Rojbûna Leyla nêrgizên buharê vedike kenê wê reng dide meşa wê şopê dihêl
Buhare
Û şeva bê te dibare
Û şeva bi te dibare
Çibkim dunya lîstokek bê peymane
Ez û tu wek xwenekê ji hev wendane
Tenê ez û bajar
Li bendewarîya te da şevdar dimînin
Û kolan bi kolan
Di nav nêrgizên buhara walat da li te digerin
Û çiqas dereng werî
Çîlkek ji behra evîna min ji te ra kim nabe
Û têlek ji porê te spî nabe
Edî dem ji te bihtir ji bû tiştekî tune
Havîne
Û heger tu nebî sivistan germtire ji vê havînê
Zindan fereh tire ji vê havînê
Tarî ronahîtire ji vê havînê
Mirin zindîtire ji vê havînê
Havîn germe
Bajar germe
Tenê ez li bendewarî ya te da dicemidim…
