Konferansa Meclisa Jinan a Bakur û Rojhilatê Sûriyeyê ya ji bo nîqaşkirina rewşa jinan li herêmên dagirkirî li bajarê Qamişlo hatibû destpêkirin, dawî bû.
Konferansa Meclisa Jinan a Bakur û Rojhilatê Sûriyeyê ku bi dirûşma “jina Sûrî di bin dagirkeriya Tirkiyê de êş, xweragirî û berxwedan” ji bo nîqaşkirina rewşa jinan li herêmên dagirkirî, li Hola Zana ya bajarê Qamişlo ji bo nîqaşkirina rewşa jinan li herêmên dagirkirî û bipêkirinên ku derheqê wan de tên kirin hatibû destpêkirin, dawî bû.
Daxuyaniya bidawîbûnê ku ji hêla Endama Koordînasyona Meclisa Jinan a Bakur û Rojhilatê Sûriyeyê Jiyan Muhemed ve hat xwendin wiha bû:
- “Ji bo çareserkirina aloziya Sûriyê divê hemû herêmên dagrikirî bên rizgarkirin û hêzên tirkiyê û komên çete yên girêdayî wê bên derxistin.
- Daxwaz dikin ku dewleta tirk weke dewleteke dagirker bê dîtin û dawî li dagirkeriya dewleta tirk a li ser hemû axa Sûriyeyê were anîn
- Ji bo vegerandina koçberên ku bi darê zorê hatine derxistin, garantiyên navneteweyî û vegerandina mal û milkên wan kar bikin.
- Sûcdarkirina tirkiyê ji ber binpêkirinên hêzên wê û dadgehkirina wê li pêşberî dadgehên navneteweyî.
- Çareseriya kirîza Sûriyê divê li Sûriyê û di destê Sûriyê de be, û bi danûstendinên siyasî ku hemû Sûriyê tê de beşdar bin, bê dûrxistin, ji bo diyarkirina çarenivîsa xwe.
- Tevlîkirina jinan di pêvajoya siyasî de û di cihên biryardanê de.
- Daxwaza berdana hemû girtiyên jin û eşkerekirina çarenûsa wan bê kirin.
- Daxwaza ketina komîteyên çavdêrên navdewletî û vekirina rêyan ji bo ragihandinê ku derbasî herêmên dagirkirî bibin û reşkirina medyayê ji bo şopandin û belgekirina binpêkirinan bişkînin.
- Avakirina komîteyên hiqûqnasan û vekirina navendên lêkolînkirina rastiyan li herêmên dagirkirî û belgekirina binpêkirinan.
- Lidarxistina konferans, civîn û pêşangehên wêneyan ku binpêkirinên li ser asta navneteweyî belge dikin.
- Bilindkirina asta tekoşîna jinan û civakê heta rizgarkirina hemû herêman.
- Têkiliya bi civaka Sûriyeyê re li derveyî herêmên Rêveberiya Xweser û xurtkirina têkiliyên bi rêxistinên mafên mirovan ên Sûriyê re ji bo danasîna tiştên ku li herêmên dagirkirî yên Sûriyeyê diqewimin, şopandina bijpêkirinan û avakirina raya gitşî ya Sûriyeyû li dijî dagirkeriya tirkiyeyê.
- Birêxistinkirina civaka kurd a li Ewropayê ji bo lidarxistina çalakiyên ji bo avakirina raya gitşî ya cîhanî li dijî binpêkirinên dewleta tirk a dagirker.
- Li ser asta navneteweyî pevguhertina tecrubeyên têkoşîna jinan.
- Civaka navneteweyî bêdengiya xwe berpirsyarê binpêkirinên dewleta dagirker werê nîşandan.
- Xebat li ser aktîvkirina bernameyên hevgirtina civakê di navbera pêkhateyan de.
- Daxwaza rawestandina operasyonên leşkerî li hemû herêman ji bo parastina jin û zarokan û dabînkirina ewlehî û aramiyê.
- Kirîmînalîzekirina dewleta tirk ji ber bikaranîna çekên kîmyesal û wekî çekên qedexekirî li dijî sivîlan bê danasîn.
- Avakirina makanîzmayek li gor pîvanên navdewletî û piştgiriya navendên belgekirinê di warê aborî û manewî de.
- Berhevkirina têkiliyan û danûstendina bi rêxistinên mafên mirovan ên navneteweyî re ji bo belgekirina rastiyên li ser erdê çêdibin.”
