Nûnerên Saziyên jinan yên li Rojava bi boneya 8’ê Adarê têkoşîna jinan nirxandin.
Berdevka Kongra Star Remziye Mihemed got, “Cudahiya Şoreşa Rojava ji şorên din ew e ku jinan pêşengtî kirin û bû şoreşeke jinan.”
Hevseroka Meclisa Qamişlo Perwîn Yûsif jî got, “Jinên Kurd, Ereb û Suryan di nava Rêveberiya Xweser de cih girtin û xwe bi rêxistin kirin.”
Jin dînamîka sereke ya pêşxistina jiyanê ne ku ji bingehê zayîna xwe ya jinê, dayîkbûn û hevaltiya xwezayê dest pê kir û di pergala têkiliyên jiyanê de her tim mamosteya sereke maye.
Di 8’ê Adarê dilên hemû jinên cîhanê bû yek û bi hev re rihê berxwedana jinên kedkar zindî kir.
Li Rojava dîroka rast a têkoşîna jinan bi derbasbûna rêber Abdullah Ocalan ji Sûriyê û Rojava re di sala 1987’an de dest pê kir.
Ji wê demê ve pêngaveke girîng a têkoşîna jinan li herêmê, dest pê kir.
Berdevka Kongra Star Remziya Mihemed da zanîn ku xebatê jinan li Sûriyê di aliyê siyasî û civakî de, sînordar bû.
Derbarê naskirina jinan ji roja xwe ya cîhanî re li Bakur û Rojhilatê Sûriyê Remziya Mihemed axivî
Perwîn Yûsif: Rêveberiya Xweser hevsengiyek di civakê de çêkir
Piştî sala 2016’an Rêveberiya Xweser a Bakur û Rojhilatê Sûriyê sîstema hevserokatî bi awayekî fermî damezirand û li gorî wê xebat hate kirin.
Ev sîstem nûnertiyeke wekhev ji jin û mêr re di cihên bilind di her saziyekê de, dike.
Hevseroka Meclisa kantona Qamişlo Perwîn Yûsif anî ziman ku piştî têkoşîna jinê, sîstema Rêveberiya Xweser ji serok hate guherandin û bû hevserokatî.
Perwîn Yûsif bang li hemû jinan kir ku têkoşîna xwe bilind bikin.
/ronahi.tv/
